للارتقاء بمستوى الانوثة

زائر

الهدف : الرقى بالمستوى الانثوى العام والقضاء على مسببات فقدان الانوثة والجمال
الراجل لما بيطلب يتجوز واحدة جميلة هو واقعيا ميقصدش الجمال اللى طالبه من عيون خضرا وشعر اصفر وبياض لااااااااااااااااااا عاوز بنت بمعنى الكلمة ودا كان كلام كتييييييير جدا اعرفهم معرفة شخصية زى مثلا سعاد حسنى حركاتها و خفة دمها و اسلوبها .. متحسيش انك بتتكلمىمع اخوكى ولا مع الشويش عطية

طيب ازاى تبقى انثى متكاملة؟؟؟؟؟؟؟؟؟؟ بصى ياستى

1- النظافة العامة والفائقة
2- اللبس والمظهر العام
3- اتيكيت التعامل
4- التدبير المنزلى ( نظافة المنزل – نظافة ادواتك الخاصة – تعلم الطهى للمبتدئات)
5- الشخصية الجذابة
6- الالتزام الدينى ودى ذكرتها اخر حاجة عشان دى محتاجة برنامج لوحده كبير متدرج ومفيد ان شاء الله

طيب الموضوع بتاعنا هيتكلم فى اية بالظبط؟!!!!!!!!!!!!!!!!!

1- اشياء يجب مراعتها ولها وقع واثر قوى فى تقبل الغير لمظهرك العام

2- طريقة اختيار اللبس المناسب لشخصيتك ولجسمك والمناسب لاوقات اليوم

حاجات صغيرة اوووووووى بس الناس كلها والرجالة خاصة بياخدوا بالهم منها جدا

1- نظافة الوجه ( كل البنات بتغسل وشها عادى وبتحط ميكب كمان اية الجديد ياعنى )

لاااااااااااااااااااااااااا انتى مش بتاخدى بالك خالص من وشك وانتى خارجة بس غيرك بياخد باله جدااا

أ‌- اول حاجة (شعر الوجه)

تلاقى البنت من دول بشنب ودقن ووشها مليان شعر ( سورى بس الموضوع ده فعلا مستفزززززززززززززز و بيبوظ شكل اى واحده )

2- الوش الدهنى جدا ( طب البت الغلبانة وشها دهنى هتعمل اية ؟؟؟؟؟؟؟)

طب الحل ؟؟؟

- هتستخدم صابون او غاسول خاص بالبشرة الدهنية واوعى من الصابون العادى دا بيزود الدهون جدا

- هنستخم كريمات خفيفة على البشرة وتكون خالية من الزيوت

- هنحط كريمات اساس اويلى فرى وبودر خفيف وهنخلى الباودر معانا فى الشنطة

- هنحط فى الشنطة دائما مناديل مبللة الخاصة بالاطفال عشان لو حسيتى وشك باظ هتمسحى وشك وهتحطى باودر خفيف كدا بس دا لو الجو الحر وفى خدعة حلوة اوووووووووووووووى خلى معاكى فانشينج كريم دا اسمه تمارا بيشيل الدهون من الوش خاااااااالص وب 1.25جنية من الصيدلية وفوقه باودر خفيف

3- الايدى والاظافر ( يالهوى دى طلعت من اول الحاجات اللى بيبصوا عليها الناس اصلا)

أ‌- الايدى الجافة والمتقشفة

الحل ؟؟؟؟؟؟

- لااااااااااااااازم ترطبيها دايما
- وتكون مفهاش شعر خاصة اللى فى الاصابع بجد شىء بشع

ب‌- الاظافر المتسخة - المتكسرة - اللى فيها بقايا منيكير او حنة بجد حاجة حقيرة
والناس بتقرف جدا من المنظر دا

زائر

4- الجذمة المتسخة والموجود بها عيوب

قطع ولا حاجة دى بقى من ابشع المناظر تلاقى البت استيل وشيك وشكلها ماشاء الله وتلاقى الجذمة مقطوعة مش نضيفة احذرى ثم احذرى من الموضوع دا

5- الملابس الضيقة

والله العظيم كل الرجالة بالكامل بتحتقر صاحبة اللبس دا واصلا بيخلى شكل الجسم وحش بعيدا عن الحرمانية

وبيبقى شكل الواحدة مستفز ( ودا اصلا مش من قواعد الاتيكيت )

***- اكتر مظهر مستفز للرجالة وبيكرهوه جدا والله بيتريقوا على البنت اللى لابساه – غير انه مش محترم

- البنت تبقى لابسة البنطلون الاسكينى اياه يالهوى ع التريقة واللى يقول رجلهم معوجة واللى واللى بجد منظر متخلف لما بشوفه بفتكر حديث الكاسيات العاريات اصله بحس بيكشف اكتر ما بيستر

6- طريقة الايشاربات (اللى تحسيها طالعة لفوق)

كداكأنها حاطة حاجة فوق دماغها بجد مظهر مستفز
ومفهوش ريحة الجمال اصلا وبردوا اللى بتحط 4 ولا 5 ايشاربات ودول هاتك يا تريقة
غير ان المظهر فعلا وحش جدا جدا جدااااااااااااااااا

زائر

7- وضع البرفان

اه والله وضع البرفان تصدقى ان فى امريكا اللى بتحط برفان فى مكان مغلق او مواصلات بيعتبروها ضد
حقوق الانسان (مش فى كل الاماكن طبعا )

اه دا ليةةةةةةةةةةة ؟؟؟؟؟؟؟؟؟؟؟

لاحظى كدا البرفان اذاواق الناس زمبها اية تشم برفانك اللى انتى بتحبيه وممكن غيرك مبيحبهوش

- وغيرك عنده حساسية – وفى ناس بتتخنق من ريحة اى برفان ويالهوى لو كان تركيب

8- الهدوم المتسخة ووضع البرفان عليها وريحة العرق
- النضااااااااااافة ياعنى البادى ميتلبسش اكتر من مرة واى شميز بردو

( خلى بالك البرفان مبيغطيش العرق دا بيزود الريحة – ومزيل العرق لازم يتحط على جلد نظيف)

زائر

9- الشفاة المشققة والموجود عليها بقايا روج

احذرى من المنظر دا دا شكله مقرف جدااااااااااااااااااااا

طب والحل؟؟؟؟؟؟

7- استخدام زبدة كاكاو بانتظام واخدها معاكى فى شنطتك دائما
8- استخدام روج ماركات نضيفة وبلاش ابو 2.5 بيبوظ الشفاة بجد
9- استخدام ليب جلوس نوع نضيف ودا الافضل فى الصباح وميكونش لامع اوى

10- الميكب الغير مناسب لاوقات اليوم

ياعنى حرام عليكى وشك مش تلاقى على الصبح البنت من دول حاطة 7 كيلوبودرة مائية

وزيهم روجاجو واى شادو ملهوش علاقة بالموقف واللى تبقى رايحة الكلية وعاملة لوك ملهوش حل

بالاى شادو وقال بتفنن ومش مراعين ان اللى يتخرج بيه الصبح غير بليل واللى يتراح بيه الكليات

غير الشغل غير الخروج لا لازم تراعى بجد وبعد كدا هنتكلم عن طرق وضع الميكب وانواعه واوقاته

الجزء ده محدش يسألنى عنه لانه منقول بالنص (
11 - اللى بتطلع قصة من الايشارب

دا بقى زى فكرة البوت بس على الواقع بمعنى

الر جالة بيقولوا عليها الكلام دا

- قصة الفلاحة
- مايصة و........ وعاوزة اى واحد
- دى بنات واقعة ياعم خلى بالك
- لو صابغة شعرها يبقى وقعت فى شر اعمالها بيقولوا دى ( فتاة ليل ) دا خطيبى اللى قال
كدا وبابا بردوا بيقول كدا وخطيب اختى قالوا نفس الكلام

والله مرة ماشية انا وخطيبى وشفنا بنت لابسة عادى جدااا بس مطلعة القصة وسابغة شعرها اصفر عارفة قالى اية ؟؟؟؟؟؟؟ قالى اهى دى واحدة (من اياهم ) ولما قولتله حرام وكدا قالى انتى متعرفيش حاجة دى منهم امال عاملة كدا لية وقعد يحلف
وقالى دا لو واحدة بتعمل كدا والله ما كنت اعرفها ومش انا لوحدىدى ودى !!!!!!!!!!!!

زائر

- متلبسيش لبس كان موضة وراحت علية هيتقال عنك فلاحة ... انا مش مع الرأى ده لان احيانا مع لافته صغيره بيبقى شكلك واااااااو و كمان مش بحب البس الموضه و الناس كلها لابساها بحس اننا فملجأ و كل الناس شبه بعض
2- حاولى متجبيش غير اللبس اللى مش بيقدم عشان الواحد مش سهل يجيب لبس كتير
3- متلبسيش الوان كانت طالعة موضة زمان واندثرت زى اللمونى والبرتقالى
4- حاولى متلبسيش الالوان المبهرجة ( ياعنى بلاش احمر فى اصفر فى فوشيا ) دى اكبر مجال للتريقة من اللى ميتسموش واحنا مش عاوزين نشمت حد فينا
5- واكبى الموضة بس خدى اللى يناسبك بلاش عك
6- متلبسيش لبس مبالغ فى فخامته او مبالغ فيه من اى نوع لاسباب كتييييير
(مش هقولك حرام اهوا )
وخاصة لو مستواكى المادى والاجتماعى متوسط ياعنى مش ساكنة فى فيلا ولا شقة فى مدينتى

وعندك فى بيتك اصطف الشغالين الفلبينيات ومربية انجليزية

طب لية ؟؟؟؟؟؟؟؟؟؟؟؟؟؟؟؟؟؟؟

- لو انتى انسة ومش مخطوبة: هتخلى عرسان كتيييييير تخاف منك هيقولوا انك مستواكى كبير اوى عليهم واصلا هما بيخافوا يكلموا البنت المظهرها كدا ودا كان كلام واحد متقدملى والله كان ابن خالى يالا ربنا ياخده وانا اصلا الاول كنت بلبس كدا وبعدين ربنا هدانى ولبست عبايات وبقيت البس شيك بس عادى مش اوفر زى الاول راح ابن خالى اتقدملى وقالى كدا وقالى ان مظهرى الاول كان يخوف ناس كتير منى

- لو انتى مخطوبة : خطيبك مش بيفكر زيك لاااااااااا عارفة هيقول اية لاااا دى مدلعة جدا وانا هجيب منين ليها لبساه دا هيحسوا اكبر من مستواه حتى لو مستواه المادى كبير اوى ومن اى موقف هيحسك بتتنكى علية صدقينى

- لو متزوجة : هههههه مش هتسلمى من القر والله العظيم وممكن تجرى ليكى مصيبة المنظرة اخرتها وحشة ههههههههههههه

زائر

طبعا عارفين ان اللى يناسب الرفيعة - غير المظبوطة - غير الممتلئة – غير التخينة

يبقى كدا عندنا اربع انواع من الاجسام:

بفرض ان طولك المناسب من 160الى 165 عشان الاوزان الموجودة تتناسب معاها

1- شديدة النحافة الى الرفيعة (من 36كيلو الى 50 كيلو )

مش من المعقول ان البس لبس ضيق ومحزق هيبين رفعى جداااااااااا ولا لبس مهرول يبين انى بردوا رفيعة جدا ويبقى الواحدة شكلها بيئة بجد

طيب الاول منلبسش اية ؟؟؟

1- اللبس الضيق جدا مينفعش

2- البنطلونات الاسكينيى هيبين رفعك جدااااااااا

3- العبايات الواسعة جدا

4- الجيب الصك والتونيك عليها الواسعة جدا

5- البديهات لوحدها

6- الحاجات اللى بتتطلب بادى كرينا والايد مكشوفة اوووووعى منها هتاخدى تريقة للصبح

كلللللللللل دول مينفعوش للبنت الرفيعة جداااا امال الحل اية ؟؟؟

واية اللى يناسبك

1- عبايات كاجول او خليجى متوسطة ياعنى مش واسعة ولا ضيقة مظبوطة

2- لو بتلبسى بنطلونات يبقى تلبسى بنطلون واسع او رجله واسعة من تحت

3- من فوق هتلبسى شميزات افضل حاجة

4- الجيب الواسعة من اللى طالعين موضة كويسين اوى وعليهم شميزات

5- بلطو شتوى على بنطلون متوسط لا واسع ولا ضيق

6- لو هتلبسى فست بس يكون بكم عشان ايدك متبقاش معرضة وتلبسى بادى كارينا

7- لو بتلبسى جيب وتونيكات الافضل تلبسى جيب واسعة وشميز وطولى الايشارب ياعنى ايشارب عريض

زائر

ثانيا الجسم الرشيق – المظبوط من (50 كيلو الى 67 كيلو )

دول بقى مين قدمهم البسى اللى يعجبك بس من غير افورة ياعنى مثلا بلاش المناظر دى:

1- بنطلون ضيق جينز اسكينى او خلافه وعليه بادى قصير ( بجد مش منظر خااالص )

2- الشيميزات الضيقة جدااااااا لدرجة ان الزراير تبقى هتفتح ( بشوفه كتير المنظر الغبى دا )
ثالثا الجسم الممتلىء (من 67 كيلو الى 85 كيلو )

دا بردو بيليق فيه حاجات كتير زى

1- بنطلون متوسط الوسع وعلية تونيك متوسط وميكونش طويل اوى فوق الركبة

2- عبايات كاجول او خليجى مظبوطة عليكى

3- جيبات صك وعليها تونيكات مش طويلة اوى خاصة لو انتى ممتلئة من الارداف

4- بنطلونات واسعة جدااااااااااااااا وعليها بلوزات قصيرة ياعنى فوق الركبة بشبرين

5- جيبات واسعة وعليها بادى ( بس تلبسى ايشارب عريض ) او عليها شميز

6- بلوزات مموهة ياعنى متبينش تفاصيل وتكون اكمام واسعة وعليها بنطلون او جيب صك

7- تايورات كاجول مش كلاسيك

زائر

طيب اللى مينفعش نلبسه

1- عباية خليجى مبالغ فيها ياعنى مقسمة اوى ( هيتقال عنك وحدة مش تمام )

2- بنطلونات جينز اسكينى (هتبقى زى الزير المقلوب حتى لو رجليكى تخينة)

3- فستات او تونيكات او دريلات هتضطرى تلبسى بادى كارينا ويبين ايدك كلها الا لو ايدك مش مليانة اوى

4- الاقمشة الجل متناسبكيش خالص حتى لو واسعة

5- الاقمشة الستان كذلك الامر

6- لو عندك بطن لازم تلبسى اى حاجة واسعة من عند البطن ياعنى ممنوع جيب وعليها حاجة قصيرة

او بنطلونات وعليها بلوزات قصيرة وضيقة بجد منظر غبى

7- لو سمنتك فى الاكتاف والصدر متحاوليش تلبسى حاجة واسعة اوى من فوق لا لازم تبقى ملمومة
من عند الاكتاف والصدر واكمامها مظبوطة ومن غير اوبلتيتات

8- لو سمنتك من اسفل ممنوع تلبسى بلوزات عادية لازم تلبسى بلوزات نازلة على واسع
ومتكونش طويلة اوى

زائر

رابعا الجسم السمين الاوزان بالنسبة للطول (من 85 الى 100 )

دا بقى اصعب جسم على الاطلاق فى اللبس لاننا بنبقى عاوزين اهم حاجة ندارى العيوب

بتاعة الجسم ودا مش بالموديلات بس لا بكل حاجة زى الالوان والاكسسوارات وكل حاجة

طيب هنقسمه لقسمين تمام :

1- شكل الجسم الكمثرى

( ياعنى سمنتك الاكتر من اسفل فى الهانش والاجناب والبطن والافخاد )

ودا هنقول اللى يناسبه فى اللبس

1- العبايات الخليجى اللى بتنزل على واسع

2- العبايات الكاجول اللى بتنزل على واسع

3- جيبات صك كاجول نازلة قصات على بلوزة متوسطة كاجول نازلة بقصات من تحت على واسع

4- لو بتلبسى بنطلونات يبقى بردوا لازم البلوزة تبقى نازلة قصات كاجول

5- لو انتى من فوق ايدك مش تخينة اوى يبقى ممكن الفساتين اللى عليها بلرو

2- شكل الجسم ( التفاحة )

( ياعنى سمنتك من اعلى فى الاكتاف والصدر والظهر والبطن )

اللى يناسبهم فى اللبس

1- العبايات الخليجى والكاجول مبظوطة جدا الى ماسكة بسيط من فوق ونازلة على واسع

2- بنطلونات جيبة على بلوزات متوسطة الطول مظبوطة من الاكمام جد تكاد تكون ماسكة بسيط

3- بنطلونات قماش عادية متوسطة وعليها تونيكات طويلة بردوا مظبوطة جدا من الصدر والاكتاف وبتنزل بوسع

4- لو جيبات صك هتنقى اى نوع من البلوزات اللى قلنا عليهم

ملحوظاااااااااااااااااااااااااات

1- اى نوع من الجسمين دول اللى يليق فى التفاحى ميلقش فى الكمثرى والعكس صحيح

2- اى موديلات تانية غير دول هتبقى اوفر جدا

3- ممنوع للجسمين لبس اى حاجة تحتاج لبادى كارينا يكشف الاكتاف والزراع بأكمله

4- اللى بيسرى على البلوزات يسرى على البلطوهات

5- الجواكت بأنوعها غير مفضلة للجسم دا نهائى الا المدامات الكبار بس ياعنى من 38 سنة كدا

التوقيع

زائر

ن حيث المناسبة والوقت

يا جماعة يااااااااااااااااااااااااااااااااااااريت تعروفوا ان اللى يتلبس الصبح غير بليل

والله بشوف بنات كتير لابسة الصبح حاجات بتلمع وايشاربات مش عارفة مالها وميكب اوفر

ولا كأنها رايحة حفلة لا كمان

اللى هيتلبس وانتى رايحة الجامعة

– غير الشغل – غير النزول تشترى حاجة – غير الخروج
–

غير المناسبات
طيب يبقى عندنا تقسيمتين من حيث المناسبة ومن حيث الوقت

اولا من حيث الوقت

الصبح

1- نوعية الملابس قطنية او كتان او جباردين او جينز

2- ممنوع لبس الحاجات الستان خالص الصبح

3- ممنوع اللبس المبالغ فى فخامته فى الصبح

4- الالوان سواء فاتحة او غامقة ميكونش فيها لامعة خاااااااااااالص

5- العبايات الخليجى المشغولة بلمعة غير مناسبة لخروجات الصبح

6- وطبعا مش هوصيكم على الميكب والبريفوم مش على الصبح 7 كيلو بوية+10 كيلو برفان

طيب بعد الظهر الى العصر

زى فكرة الصبح بالظبط بس ممكن لبس حاجة ستان كشميز تحت جاكت او حاجة
　
　
　
بـــــــلــــــــيل

ممكن لبس اى شىء بليل بس الافضل لبس الوانه واضحة عن الصبح

ممكن حاجة ستان
بس مش عباية ستان ياعنى دا استهبال

ممنوع لبس العبايات الجباردين بليل مش من الشياكة

الميكب يكون واضح وغير فاقع ياعنى لو بتحطى روج هيكون لون اقوى من بتاع الصبح وهكذا

زائر

الكليات

1- ممنوع لبس اى حاجة لا ستان ولا بتلمع

2- العبايات الخليجى مش من اللياقة انك تلبسيها فى الكلية خالص والعبايات السودا

3- التايرات الكاملة

( زى اللى بتكون فى محلات وسط البلد اللى بتبقى جيبة وجاكيت وحاجات زى دى)

3- ممنوع لبس اى حاجة ملفتة او مبالغ فيها مش اللياقة ابدا

4- ممنوع لبس الالوان الفاقعة جدا

( احنا مش رايحين عيد ميلاد ولا رايحين نقابل ) ياعنى ملقيش احمر
فاصفر وفوشيا فى اصفر والهبل دا ممكن الاصفر مع لون تانى وميكونش الاصفر غالب وكذلك الاحمر والفوشيا

5- اللى رايحة الكلية مش من المفروض انها على تبقى على سنجة

10 ياعنى لبس فاقع وضيق ولنسس زرقا ورمادى ومكيب

10 كيلو بودرة مائية واى شادو بمبى وفوشيا وروج وبرفان وووووو
دى كلية ياعنى مكان عملى وبعدين لكل مقام مقال دا ميصحش خالص

زائر

السهرات والافراح

1- بلاش بقى االوان البهتانة ويجيى يحبك السمبل ساعتها

2- حاولى تلبسى الوان ظاهرة وميكب واضح بس مش اوفر ياعنى

مش الاقى روج احمرررر وروجاجو زيه الا لو بتعرفى تحطى باحتراف ياعنى زى

اى لوك فى قسم الميكب مش زى مانتى متخيلة

3- ممنوع لبس الجينز والجباردين خاااااااااااااااااااااالص مش رايحة الكلية

4- وبردوا بلاش الكوتشيهات الكونفرس والحاجات اياها دى فى الافراح

ممكن لبس اللنسس بأى لون تحبيه وتجنبى النظارة

زائر

طريقة اختيار الايشاربات وطرق لفاها والبندانات

بردوا لكل مقام مقال ياعنى اية :

1- مش هينفع البس ايشارب فية لمعة وانا خارجة الصبح سواء شغل او كلية

او اى مشوار كان.

2- تلاقى واحدة لافة ولا 5 ايشاربات مع بعض ليةةةةةةةةةة والله الشكل بيبقى وحش وبتاخد تريقة للركب ومش من الشياكة اصلا كفايا اوى ايشاربين او ايشارب وبندانة او ممكن ايشاربين هتعمليهم بندنانة كورس مثلا وايشارب عادى ودا اقصىىىىىىى حاجة.

3- مش من الشياكة خااااالص مراجيح مولد النبى اللى بتلقى فى الوان الايشاربات والله مرة شوفت بنت لافة يجيى 5 طرح احمر واصفر وبرتقالى وفوشيا وازرق الوان الطيف طب بالذمة دا منظر.

4- راعى الالوان اللى تليق على اللبس من حيث السادة والمشجر

ياعنى مبقاش لابسة مشجر والبس ايشارب مشجر كدا تبقى فلاحة فى الغيط

ولا ينفع الاتنين سادة مانتى مش شغالة فى مطعم ولابسة يونيفورم

وكذلك فى البندنات او الايشارب اللى من تحت مينفعش يبقى مشجر

بيبقى الشكل سخيف جدا ومينفعش نلف بندانة مشجرة وايشارب مشجر

ياعنى لو لابسة طقم الوانه سادة خالص البسى بندانة سادة او اى يشارب من تحت سادة واللى فوقيه فى نقشة او مشجر اى اشكال ونراعى تناسق الالوان

ولو لابسة طقم مشجر او فيه شغل لفى بندانة لونين سادة مثلا وايشارب سادة

5- مراعاة السن فى الايشاربات ياعنى طالبة الجامعة او 17 18 سنة

مش زى المدام اللى عندها 28 سنة خاااااااااالص نراعى يا جماعة
وبجد قمة الشياكة انك تلبسى اى حاجة مناسبة لسنك.

6- لفات الايشاربات المبالغ فى افتكاسها مش من الشياكة خالص
وافضل حاجة اللفات السيمبل الشيك .

7- منظر مستفز بشوفه الاقى الواحدة من دول بالاضافة لل700 ايشارب

اللى لابساة رافعه الكحكة من تحت الايشارب عشان يبقى الايشارب مرفوع الرفعة السخيفة دى مش هقولك حرام لان دا مفروغ منه والكل عارف
بجد شكلها مستفز جدا لا وكمان تنفش الايشارب بيبقى شكلها زى الاسد
منظر وحش جدااااااااااااااا.

8- منظر اغبى : اللى بتطلع القصة من الطرحة بتحسسنى بالافلام القديمة

لما يجيبوا الناس الفلاحين ومطلعين القصة من المنديل ومش عارفة لية شايفنها شياكة

زائر

حاجه كمان شكلها وحش اوووووووى لما تبقى لابسه بدى كارينا و تلاقى مكان مزيل العرق مبقع فى البدى و باين لون بيبقى بجد المنظر بششششششششششششششع

زائر

دى شوية نصايح كدة عشان تبقى مدلعة

*حافظي على وزنك ورشاقتك..
وحافظي على استقامة ظهرك وشد بطنك

*يجب أن تكوني ذات شعر نظيف ولامع ومسرح ودعي خصلاته تنسدل على وجهك بشكل غير متعمد...خذي خصلة منه
أثناء الحديث ولفيها على إصبعك وقربيها أحيانا من خدك حتى يظنك الآخرين قمة في النعومة ولا تقومي بكل هذا في وقت واحد حتى لا يظنك الناس هبلة أو مجنونة أو مصابة ..

*كتفي ذراعيك أثناء الإستماع لكلام محدثك

*ظهرك يجب ألا يكون منحنيا وكتفيك غير متهدلين

*عيناك :
أرمشي عينيك ببطء شديد وليس بشكل مفاجئ حتى لا تبدين متوترة وقلقة.

*شفاهك..
لا تكثري من أحمر الشفاه واستخدمي الألوان الطبيعية ويفضل لماع الشفاه على الروج.

*لا تتكلمي بسرعة ولا تكرري الألفاظ ولا تجادلي كثيرا ..

*تحدثي بهدوء ووضوح وأكملي الجمل والكلمات واخفضي صوتك حتى يركز الناس ..

*أغلقي فمك حين لا تحتاجين إليه وحافظي على الابتسامة بدون فتح فمك أو إظهار أسنانك أو الضحك بصوت
،واستمعي دائما لمحدثك.

*يديك:
حافظي على نعومتها وعلى رقة حركتهما ودعي الآخرين يكتشفون نعومتهما وجمالهما من خلال الحركات
الناعمة كتمرير أصابعك في شعرك المنسدل،

*ضمي يديك وضعيهما تحت ذقنك في بعض الأوقات،

*اسحبي المنديل بأصابعك ويفضل إصبعين أو ثلاثة وحتى عندما تأكلين شيئا ارفعيه إلى فمك بالإبهام والوسطى
وليس بيدك كلها كأن الطعام سيهرب،

*وإذا شعرت ببعض البرد فلا تفركي ذراعيك بقوة بل ضعي يدا على ذراعك وامسحيها بنعومة.

اتمنى ان الموضوع اعجبكم