ازاى نعمل شمعة

الادوات
(طبق صغير-شموع- بيض-عيدان )

[ندعوك للتسجيل في المنتدى أو التعريف بنفسك لمعاينة هذه الصورة]

امـــــــــــــــــــا عن خطوات العمل فهى كدا


اولا
نكسر البيضه حته صغيره من فوق زى كدا

[ندعوك للتسجيل في المنتدى أو التعريف بنفسك لمعاينة هذه الصورة]



و بعدين
نفرغ محتوى البيضه كويس اوى و نفضل نشطف فيها تحت المايه بس نحافظ ع انها متتكسرش

[ندعوك للتسجيل في المنتدى أو التعريف بنفسك لمعاينة هذه الصورة]


و بعدين نجيب الشمع اللى عندنا و ياريت لو كان ملون و يا سلام لو كان لونين يبقا تمام اوى نسيح كل لون لوحده ع النار

[ندعوك للتسجيل في المنتدى أو التعريف بنفسك لمعاينة هذه الصورة]


و بعدين نملا الشمع جوا البيضه و نحط الفتيل زى ما موجود ف الصوره

[ندعوك للتسجيل في المنتدى أو التعريف بنفسك لمعاينة هذه الصورة]




بعد ما نتأكد ان خلاص الشمع نشف نبتدى نكسر البيضه بهدوووووووووووووء

[ندعوك للتسجيل في المنتدى أو التعريف بنفسك لمعاينة هذه الصورة]



و حتبقا النتيجة كدا

[ندعوك للتسجيل في المنتدى أو التعريف بنفسك لمعاينة هذه الصورة]



و لو عندنا بقا شوية ترتر و جليتر نقدر نزينها ع ذوقنا

[ندعوك للتسجيل في المنتدى أو التعريف بنفسك لمعاينة هذه الصورة]






للأمانه الموضوع منقول

فكره جميييييييله ومش مكلفه وفعلا بتطلع بأشكال جميله

تجنن يا شيماء بجد عجبتنى اووووووووووووووووى ههههههههه
بس عندى كام اقتراح كده
لو مفيش غير شمع ابيض ممكن نستعين ب الالون الشمع نسيح اللون اللى نحبه مع الشمع الابيض
عشان نعمل اللون اللى نحبه
الاقتراح التانى
ممكن القوالب تكون كوبيات بلاستيك او كانزات البيبسى او الكوبيات او
او قالب شكله حلو عندنا و ندهنه زيت قبل ما نصب فيه الشمع السايح
عشان لما الشمع يجمد ما يلزقش فى القالب و يطلع بسهوله

إضافات حلوه يا بسبوس وممكن نعمل اى شكل احنا عاوزينه بس المهم ميكونش حاجه تمسك فيها الشمع عشان تطلع بسهوله انا كنت بعملها كان عندى كوبايات اصغر من كوبايات القهوه كنت بعملهم فيها وبسيبهم بيبقا برضو شكلها حلو اوى

فعلا الواحد لو فكر هيلاقى حاجت كتير اوى و يطلع منها ابداعات

طيب استنوا افتكرت كمان حاجه
احنا ممكن لما نسيح كذا لون و نصبه ف صينيه او اى حاجه
و نسيبه يجمد و بعد كده نقطعه مكعبات و هو ناشف و ناخد المكعبات كذا لون مع بعض
و نحطهم فى قالب شيك اختارناه
و نجيب شمع سايح ابيض او اى لون فاتح و نصبه عليه
هيبقى زى الشمع الجاهز اللى بيبان حواه مكعبات الون
طيب اقولكوا الاحلى
ممكن نحط فى القالب تلج
تلج ؟؟ ايوا تلج و نصب عليه الشمع
و لم الشمع هيبدأ يجمد هيبقى فى فراغات مكان قوالب التلج بتدى شكل حلو
و ممكن نعمل الشمعه فواحه ب اضافة اى زيت عطرى لها و هى لسه سايله
او حتى نرش عليها من البرفان

حلوه الفكره دى برضو احنا والله لو شغلنا عم الحاج اللى فوق دا حيطلع مننا دُرر والله

ايوه يا بنتى الزهق و الفراغ لازم يخلزا الواحد يشغل عم الحاج المركون ده