جبت لكم يا جماعة جدول أعمال لرمضان يمكن يحفزكم على متابعة جهدكم فى الشهر الكريم
الجدول مكتوب فيه الأعمال من صلاة وصوم وأذكار ودعاء وصدقة
كل اللى هتعمليه إنك فى آخر اليوم قبل ما تنامى بإذن الله
هتعلّمى فى الجدول على الطاعات اللى عملتيها والجدول هيحسب لك درجة اليوم ده
وتحاولى كل يوم تجيبى درجة أعلى وممكن تتنافسى فيه مع حد
جوزك او قريبتك أو صاحبتك
----------
طبعاً مكتوب التاريخ واليوم والأعمال
أما مربع الإجمالى ده أنتى مش هتكتبى فيه حاجة
أنتى بس تحت كل عمل صالح هتكتبى
لو عــمــلــتـيـه : هتحطى رقم واحد
لو مش عملتيه : هتحطى رقم صفر
لو عملتيه بس مش كامل او متأخر عن ميعاده : هتحطى نصف
والجدول هيحسب لك الإجمالى بتاع اليوم ويديكى درجة
الدرجة النهائية من 24
لو جبتى فى يوم 18 مثلاً تحاولى فى اليوم اللى بعده تعلى درجتك وهكذا
وياريت لو كل يوم الإجمالى يبقى 24 يبقى بركة
دى الأعمال اللى بيحتوى عليها الجدول علشان فى ملاحظات هقولها
------------------------------------
1. الاستغفار 100 مرة
2. سنة الفجر
3. صلاة الفجر
4. ختم الصلاة
5. قراءة قرآن
6. أذكار الصباح
7. صلاة الضحى
8. سنة الضهر ( 4 ركعات )
9. صلاة الضهر
10. ختم الصلاة
11. سنة الضهر ( 2 ركعة )
12. صلاة العصر
13. ختم الصلاة
14. أذكار المساء
15. الدعاء عند الإفطار
16. صلاة المغرب
17. ختم الصلاة
18. سنة المغرب ( 2 ركعة )
19. صلاة العشاء
20. ختم الصلاة
21. سنة العشاء ( 2 ركعة )
22. صلاة التراويح كاملة
23. الدعاء
24. الصدقة اليومية
25. إضافى
** الجدول فيه السنن الراوتب اللى هما 12 ركعة بترتيبهم ..
لأن من فضائل رمضان إن السُنـّة فيه تعدل فرض والفرض يعدل 70 فرض
** ختم الصلاة :
من أهم الأمور وممكن للأسف نغفل عنها وهى : الاستغفار ثلاثاً + قراءة آية الكرسى + تسبيح 33 مرة وتحميد 33 مرة وتكبير 33 مرة + لا إله إلا الله وحده لا شريك له له الملك وله الحمد وهو على كل شىء قدير
لأن النبى صلى الله عليه وآله وسلم قال
" من قرأ آية الكرسى دبر كل صلاة لم يمنعه من دخول الجنة إلا أن يموت "
"من سبح في دبر كل صلاة ثلاثا وثلاثين، وحمد ثلاثا وثلاثين، وكبر ثلاثا وثلاثين، وقال تمام المائة: لا إله إلا الله وحده لا شريك له، له الملك وله الحمد وهو على كل شيء قدير، غفرت خطاياه وإن كانت مثل زبد البحر "
** الدعاء مذكور مرتين فى الجدول
مرة عند الإفطار : علشان مش نضيع على نفسنا فرصة استجابة الدعاء فى الوقت ده
ومرة فى آخر الجدول : علشان تخليكى تحددى دعوات معينة فى رمضان وتصرى عليها وبإذن الله لا يأتى العام القادم عليكى إلا وربنا حققها لك
يعنى تاخدى درجة دعاء الإفطار ولو نطيتى على الأكل على طول تروح منك ابتسام جميل
وتاخدى درجة لو قلتى الدعاء اللى نويتى تلحى عليه العام ده فى التراويح أو فى قيام الليل
** الصدقة اليومية :
لو حابه تتصدقى حددى مبلغ لرمضان تخرجيه فى خلال ال 30 يوم
ولو مش تصدقتى فى يوم اعملى صدقة من غير مال زى ابتسامة فى وجه صديقة لك أو تقولى كلمة طيبة لحد لأن ده مذكور إنه صدقة على لسان أشرف الخلق
** الإضافى :
خلى ليكى عمل سرى بينك وبين ربنا فى اليوم لو قدرتى
وأنا خليته بره الحساب علشان يكون زى bonus او زيادة ليكى عن الدرجة النهائية كمان
يعنى مثلاً قررى تصالحى اتنين متخاصمين .. تزورى أيتام .. أى عمل تحبيه
وحطى لنفسك درجته هتزود مجموعك
وأخيراً معذرة على الإطالة
------------------
الملف هتحمليه من موقع الميديا فاير من هنا
[ندعوك للتسجيل في المنتدى أو التعريف بنفسك لمعاينة هذا الرابط]
