ختر على بالى شئ ربما تقع فيه كتير من البنات و لكن هو بالنسبالى محسوم فقررت اشارككم فى رأى هل من احد له رأى اخر ؟؟
الموضوع ليس خاص فقط بالنساء .. يمكن للرجال مشاركتنا
ايهما تقبلين زوجا لكِ؟؟
المظهر ..؟؟
هل ستتزوجين المظهر .. لا اقصد ان تتزوجى شخص يكون مبهدل و تتكسفى تمشى معاه فى الشارع مش للدرجة دى فالله جميل يحب الجمال و لكن ..
هل اتزوجه لجماله ؟؟ و هل اصلا من صفات الرجل الجمال ؟؟ هل عندما تسأل عن مواصفات رجل من الطبيعى ان تكون الاجابه انه جميل ؟؟
هل كل مايهمك الجمال ؟؟ الجمال المظهرى .. الشكل ؟؟
الشعر الناعم الاصفر و العيون الملونة ..
كما تحلم فعلا الكثيرات ب ( مهند ) بطل المسلسلات التركية !!
اندهش و اتسائل حقا هل اعجابهن به لشكله ؟؟
ما علينا مش قصتنا سى مهند ده لانى مش بطيقه اصلا !!
اتقبلين رجلا مقبول الشكل ام سترفضينه لانه ليس بتلك الوسامة التى ترغبينها ؟؟
هل الرجل رجلا لان نوعه فى تصنيف الانسان ذكر ؟؟؟؟؟؟؟؟؟؟؟؟؟؟؟؟؟؟؟؟
ام ان تلك الصفة لا تخلق مع الانسان و لكن يكتسبها باعماله و صفاته
الرجل هو من يقدر كلمته .. يعرف ان كلمته مش هزار و ان لكل مقام مقال .. الرجل هو اللى لما يخطئ يعترف بخطأه مش يقول انا راااااااجل و الراجل مبيغلطش ولا بيعتذر ولا بيرجع فى كلامه !! طيب انا كان كلامك غلط ؟؟ ايه النقص فى الرجوله انك تعترف بخطأك ؟؟؟؟؟؟؟؟
هل الرجل كذاب ؟؟
متلون كالحربائة ؟؟
يمشى مع كل لون و مع كل تيار .. اياً كان ..
هل تثقين فى رجل منافق ؟؟
رجل ينافقك .. و ينافق غير من النساء او الرجال ؟؟
رجل لا مبدأ له !!
هل ستتزوجين امواله ؟؟؟؟؟؟؟
من يفتخر بأمواله و يفتخر بمظهره و حسن شكله و فتخر بمنصبه ؟؟
هل سأتزوج المال ؟؟ بصراحه يحضرنى مثل بيقول ( ياواخده القرد على ماله يروح المال و يفضل القرد على حاله )
ده بالنسبة للمال
طيب الشكل ؟؟ بما تفتخر ؟؟؟؟؟؟ هل صنعت فى نفسك شئ؟؟ هل انت من جعلت من نفسك وسيما ؟؟ ام انها عطية الله
هل تقبلين زوجا لك المال و الجاه و وسامة زوجك ؟؟ اذا كان هذا هو المعيار .. فاذا حدثت له حادثه اصابه عاهه و انقطع عن عمله و هنا ذهب الجاه و و ربما ذهب معه وسامته .. و انقضت النقود فى مراحل العلاج المختلفه .. فما سيبقى لك منه الا الداخل الذى تزوجتيه ؟؟
هنا فقط سيظهر اختيارك ؟؟ هل اختارتى الشخص المناسب ؟؟ ام اختيارك كان مبنى على مجرد ظواهر و ماديات ؟؟؟؟؟؟
بالنسبة لى الامر محسوم
الفلوس بتروح و بتيجى و احنا اللى بنعملها الفلوس عمرها ما بتعمل بنى ادم ... و الانسان اللى فاهم ان قوته فى فلوسه يبقى الله الغنى عنه يشبع بفلوسه .. يا اما ينتظر الجشعة التى تبحث عن فلوسه دى !!
اما بالنسبة للوسامه .. فأكيد اى بنت بتحلم برجل وسيم و لكن عمر ما كانت الوسامة هى المعيار فى اختيار شريك الحياة
الجاه و المنصب .. يحمد الله عليه .. و ده اخر حاجه الواحده تفكر فيها لان العشرة الطيبه تغنى عن كل الدنيا و يكفى انه يكون بيشتغل فى مكان محترم و مناسب له و لى ..
عايزة رأيكوا فى الرجل الوسيم الشيك ابو فلوس كتير صاحب الجاه و المنصب .. اللى لو دورنا بداخله هنلاقى فراغ .. اللى هيشترى بنت الناس بفلوسه !!
و رجل تانى بسيط طيب الملامح او ربما يكون وسيم ايضا .. عمله متوسط و من اسرة متوسطه ولا يملك الا دخله الشهرى .. و لكن بداخله رجل يحترم كلمته و يفى بوعوده ولا يوعد بأكثر مما يحتمل و نفسه طيبة
ياترى لو حطينا الاتنين فى نفس الحادث هتستحملى مين ؟؟
