سعات بيفضل عندك عيش فينو كتير ولما بيبات بيبقى طعمه مش اوى يعنى
ومش هينفع تعمليه سندوتشات هيفرول ويقطع منك
طب تعااااااااااااااالى معايا هقولك على افكار تجنن رووووووووووعه وجديده وحلوة
كل فكرة احلى من التانيه باذن الله
الفكرة الاولى
كلنا عارفينها طبعا هتحوشيه برة فى كيس او فى الفريزر ولما تجمعى حبه حلوين كده
فى مرة تكونى استخدمتى الفرن
رصيه فى الفرن يقرمش كده وبعدين اطحنيه نااااااعم
وتبيله بقى بالخلطه الحلوة دى
رشه ملح+رشه فلفل اسود بسيط+رشه قرفه بسيط+رشه جنزبيل+كركم+كارى+حبه نشا+معلقه بيكنج بودر
وعبيهم بقى فى برطمان ازاز وخليهم جاهزين عندى اعملى منها احلى بانيه ومقليات بالبقسماط
تقوليش كنتاكى يانااااااااس
الفكرة التانيه
قطعيع دواير كده شرايح يعنى وتبليه بحب زيت او زبده سايحه وزعتر ورشه ملح ورصيه فى صنيه وع الفرن يتحمص
وااااااااااااااو احلى مقرمشات زى صن بايتس كده عارفينه
بس خدى بالك منه وهو فى الفرن مبياخدش وقت خااااااااالص اوعى تسهى عنه ياامورة ويتحرق هيمرر
الفكرة التالته
قطعيه برضه شرايح زى الفكرة اللى فاتت كده بس تكون سمكها تخين شويه
هتدهنى كل واحده بالخلطه دى
حته جبنه بيضه طريه مثلثين جبنه ومعلقه مايونيز وحبه لبن بسيط واقلبى كويس يكون زى الكريمى كده
وبعد ماتدهنى كل واحده من الوش حطى على كل واحده شريحه زيتونه
او تحطى حته لانشون صغننه وعليها حته جزرة مبشورة وعليهم حته شيدر مبشورة بسيطه خالص متكتريش الحشوات
ودخلى الفرن يقرمش شويه والجبنه تسيح ع العيش
هيبقى فكرته زى الكانبيه كده (هو بتتعمل بالتوست فى الافراح زى مثلا الجاتو السواريه بس ده حادق) احنا بقى بنوفرررر وبنعمله بالفينو اللى كان ممكن يترمى
نستغل كل حاجه عندنا ونشغل دماغنا صح
الفكرة الرابعه
برضه هنقطعه شرايح
ندهن صنيه حته زبده
نرص العيش
ونصب عليه الخليط ده
2بيضه+كوبايه ونص لبن +سكر وفانليا
وندخلها الفرن لحد ماوشها يبقى دهبى محمر كده
وهيبقى احلى بريد بودنج ليكى وللولاد ومتكلفش كتير
اصل الوصفه دى برضه بالتوست بس احنا هنعملها ببواقى الفينو
استغلااااااااااااااال بقى ههههههههه
وتوفير طبعاااااااااااااااا
الفكرة الخامسه
هنطحن العيش فى الكبه ونخلطه بزبده سايحه يعنى معلقتين كده
ونقلبهم كويس اوى ونبططهم فى صنيه مدهونه
وندخلها الفرن تتماسك وتحمص بسيط يعنى 5دقايق كده فى فرن حامى
ونحر الخليط ده بقى
4وحدات جبنه مثلثات وبيضه ونص كوبايه لبن ورشه ملح وفلفل ومعلقه مايونيز ونخلطهم كويس اوى
ونصبهم على العيش ونحط عليهم شرايح زيتون ورشه جبنه مبشورة ع الوش وندخلها الفرن لحد ماتمسك كويس اوى وتبقى لونها دهبى من ع الوش
الفكرة السادسه
برضه هتعملى نفس خطوات الفكرة اللى فاتت زى ماعملنا فى العيش طحنها مع زبده ودخل الفرن اتحمص حبه
هنعمله خليط حلو بقى عاوزين نحلى ولا اييييييييييه ؟
هتحطى كوبايه لبن+3بيضات وسكر وفانليا ونصبه عليها وندخله الفرن لحد ماطبقه الكريمه دى تمسك اوى
نحضر صوص كراميل ع النار
حطى طاسه فيها نص كوبايه سكر لحد مايبقى لونه دهبى اشقر
هتنزلى عليه اوااااام بلبن واقلبى جامد لحد مايبقى سايل بس مش اوى يعنى ليه قوام وصبيه على وش الصنيه ودخليه يبرد فى التلاجه وبعدين اقطعيها
